"Pətək" yeni nəslin mənəvi tərbiyəsi İctimai Birliyi

Arı və Kəpənək

Çəməndə bir kəpənək
Arını qoydu lağa:
- İynəsi iti, acı,
Qanadları lüt bacı!
Nəyə gedirsən bağa,
Gəl gedək oynamağa!
Cavab vermədi arı,
Getdi dağlara sarı.
İşlədi axşamacan
Pətəyə bal daşıdı.
Çiçəklərin şehindən
Qanadları yaş idi.
Gördü xallı kəpənək
Arının inadını,
Çiçəklərin içində
Gizlətdi qanadını.
(Zahid Xəlil)