Bilirsinizmi cipslər niyə ziyanlıdır?

Əziz uşaqlar, bilirsinizmi çipslər və qazlı sular ən ziyanlı qidalar siyahısında birinci yeri tutur. Çipslərə vurulan yağ, duz, rəngləndirici və dadlandırıcılar xüsusilə ziyanlıdır.Yəqin fikirləşirsiniz  ki, kartof əslində xeyirli tərəvəzdir. Amma çipslərin hazırlanması zamanı kartofun keçdiyi mərhələlərdən sonra o, bütün xeyirli xüsusiyyətlərini itirir. Tərkibindəki yüksək dərəcədə yağ və nişastaya görə çipslər  çox kalorili olur.( Məs: 100 qr.da 500 kilokalori.) Bu isə uşaqların gündəlik normasının yarısı deməkdir. Buna görə də çipslər çox kökəlməyə səbəb olur. Çipslər çox duzlu olduğu üçün sümüklərimizin inkişafına mane olur. Bədənimizdə maddələr mübadiləsini pozur, təzyiqin artmasına səbəb olur. Əziz uşaqlar, indi siz çipslərin niyə ziyanlı olduğunu bilirsiniz.