Empatiya

* Siz özünüzü heç  pis qiymət alıb gəlmiş uşağın yerinə qoydunuzmu?

* Heç  özünüzü nəyisə etmək istəyib amma edə bilməyən uşağınızın yerinə qoydunuzmu?

* Ya da özünüzü hər gün sinif yoldaşları qarşısında danlanan  şagirdin yerinə qoydunuzmu?

* Heç  özünüzü daima tənqid olunan uşağın yerinə qoydunuzmu?

* Heç  özünüzü, qulaq asmadan qışqıran  bir ailədə təsəvvür etdinizmi?

* Və ya heç özünüzü hər zaman günahlandırılan bir yerdə düşündünüzmü?

Əgər belə olubsa deməli sizdə empatiya var:  

Empatiya- özünü başqasının yerinə   qoymaqdır.

Bir insanın digər bir insandan istəyə biləcəyi  ən vacib və əsas yanaşma empatiyadır. Başlıca olaraq özünü qarşısındakının yerinə qoymaqdır.

Özünü başqasının yerinə qoymayan insanın,  şəxsi və sosial münasibətlərində uğurlu və bacarıqlı olması mümkün deyil.  Gəlin, özümüzü qarşısımızdakının yerinə qoyaq. Yəni bir az da onun   düşündüyü kimi düşünək. Görəcəyik ki,  bir çox problem  özlüyündən aradan qalxacaq.

Gəlin, indi şagird ya da onun müəllimi olaq. Baxaq indi özünüzü necə hiss edirsiniz? Vəziyyətlər və şərtlər necə də dəyişdi, deyilmi? İndi  hisslərdəki, ağırlığın hansı növlərə girdiyini görürsünüz.  Empatiya hörmət və sevgini necə də artırır, elə deyilmi? Gəlin, eyni dildə danışaq. Eyni havanı  almağa cəhd göstərək. Biz bir bütünük. Sözlə əlaqəni yaxşı yaradaq. Buna çox ehtiyacımız var.

Danışmaq,  bir çox vəziyyətdə insanlar arasında bir körpü yaradar. Övladımızla, şagirdimizlə danışaq. Ümumiyyətlə bir-birimizlə ünsiyyət quraq. Amma mütləq səmimi və ürəkdən ünsiyyətdə olaq. İnsanların çatışmayan xüsusiyyətini üzlərinə vurub, bundan istifadə etmək düzgün olmaz.

Unutmamalıyıq ki,  problemi həll etmək  üçün qurulacaq hər bir əlaqə, dağları kiçik təpəciklərə çevirəcəkdir.  Siz  aşılmayan kiçik təpə görmüsünüzmü heç?

                                                          Psixoloq :     

Şəhla Hilalqızı