Bilirsinizmi niyə pişiklərin bığları olur?

Heç bilirdinizmi, ki pişiklər siçanın ciyiltisini və cırmaq səslərini eşidə bilirlər. Həmçinin onların  görmə qabiliyyətləri də yaxşı inkişaf etmişdir. Bəs, bığları nə üçündür?

         Bığlar vasitəsilə pişiklər ətrafında baş verən hadisələri öyrənir və qaranlıqda düzgün istiqamətlənə bilirlər. Bu tükcüklər onların ən vacib hissiyat orqanlarından biridir. Sayı 24-ə yaxındır.Onları pişiklərin üzündə, gözlərinin ustündə, alt və üst dodaqlarında görmək olar. Ov zamanı pişiklərin bığları dartılmış vəziyyət alır və bu tükcüklərin köməyilə istənilən xışıltını hiss edə bilirlər.Şikarını tutub dişlərində saxlayan pişik, tükcüklər vasitəsilə şikarının hərəkətlərini yoxlayır.Çünki, bu vəziyyətdə onu görə bilmir.