Xoşbəxt olmağın yolu.
Zəhra xoşbəxt olmağı çox sevirdi. Kim sevməz ki! Bir gün, həmişə necə
xoşbəxt ola biləcəyini düşündü. Amma fikrinə bir şey gəlmədi. Mətbəxdə
işləyən anasının yanına gedib dedi:- Anacan, həmişə xoşbəxt ola bilmək üçün nə edə bilərəm?
Anası Zəhranın bu sualına gülümsəyərək dedi:
- Gəl səninlə bir az həyətə çıxaq, onda xoşbəxt olarsan.
Zəhra anasının onu anlamadığını fikirləşdi. Axı o, bir an deyil, həmişə xoşbəxt olmaq istəyirdi.
O gün anası Zəhranı gül mağazasına aparır və oradan gül alırlar. Evə gəldikdə anası Zəhraya deyir:
- Bu gül sənindir. Ona yaxşı baxmalısan.
Zəhra gülü çox sevir və otağında yerləşdirir. Gülün xoşbəxt ola bilməsi üçün ona vaxtında su verir, onu bəsləyirdi. Beləcə Zəhranın gülü çox xoşbəxt görünürdü. Zəhra anasına dedi:
- Gülüm xoşbəxt olduqca mən də xoşbəxt oluram.
Anası :
- Hər zaman xoşbəxt olmağın yolu başqalarını xoşbəxt etməkdir. Onları sevindirməkdir.
Artıq Zəhra xoşbəxt olmağın yolunu öyrənmişdi.